انعدااااااااااااام الثقة بالنفس

من طرف manmona في الإثنين 18 فبراير 2013, 9:51 pm

انا بعانى من مشكلة عدم ثقة بنفسى مش واثقة فى افكارى فى قراراتى فى شكلى فى قدراتى فى لبسى
ديما بقارن نفسى بناس تانية والووم نفسى جدا انى مش زيهم
بشوف كل الناس مش بتحبنى حتى والدى ووالدتى بحس انهم بيحبوا اخواتى اكتر منى
فى صفات كتير فيا نفسى اغيرها يعنى لو حد ظلمنى بتمنى ان تحصله حاجة وحشة انا مش عاوزة اكون كده نفسى اقدر اسامح
وحتى الى مش ظالمنى بتمنى انه تحصله حاجة وحشة عشان ميكونش احسن منى
انا عمرى 22 سنة ومشتغلتش بعد التخرج وطبعا وجودى فى البيت فترة كبيرة جدا مزودلى حالتى النفسية
انا كمان كنت مخطوبة وخطيبى الى سابنى من 6 شهور وده سببلى ازمة وزود عدم ثقتى بنفسى اتمنى لو حد يساعدنى اكون احسن لانى للاسف صعب جدا اروح لدكتور

من طرف Reham في السبت 25 مايو 2013, 8:16 pm

السلام عليكم ورحمة الله وبركاته وبعد

أختي الفاضله لا يوجد أنسان كامل فلكل ايجابياته وسلبياته ومفتاح الثقه بالنفس ان تحبي نفسك وان تتقبليها كما هي فأن لم تتقبليها فكيف للأخرين أن يتقبلوها فعليكي ان تتعرفني أولا علي نفسك وعلي النقاط الايجابيه الموجوده في حياتك وتركزي علي تنميتها فدائما هناك نجاحات حتي وان وجد الفشل و وان تحددي بموضوعيه الامور التي لا ترضي بها في شخصيتك وتحاولين قدر المستطاع علي التعديل الي الافضل والمثابرة علي هذا التعديل والمحاوله نجاح في حد ذاتها
كما عليكي بالمحافظه علي الصلاة وبر الوالدين وصله الرحم والبحث عن القدوة الحسنه والاقتداء بها
كما ان القراءه والاطلاع واكتساب المعارف من الامور الهامه التي تعزز الثقه بالنفس فعليكي بها
وبالنسبه للامور العمل والزواج فهي امور محدد وقتها عند الله وليس تاخرها معناها شر للانسان وان كنت اري انك لازلت صغيره علي ان تشعري باللقلق تجاه هذه الامور بل أجد امامك فرصه لتطوير ذاتك وتنميتها للاستعداد لمجال العمل والزواج في المستقبل فيمكنك تعلم لغات جديده وتحفظي القرآن وتتقني فنون الاعمال المنزليه.
بارك الله فيك وأسال الله لك العافية والتوفيق